Құрметті мектеп бітіруші түлектер!
Қадірлі ұстаздар, ата-аналар!
Бүгін – ерекше күн. Бүгін – үлкен өмірге қанат қаққалы тұрған жас түлектер үшін қуанышты да толқынысты сәт. Бұл – олардың балалықпен қоштасып, болашаққа жол бастайтын маңызды кезеңі.
Қымбатты түлектер!
11 жыл бойы сіздер білімнің қара шаңырағында тәрбиеленіп, өмірге қажетті рухани байлық жинадыңыздар. Ұстаздарыңыз сіздерге тек білім ғана емес, өмірлік бағыт-бағдар, үлгі-өнеге берді. Ендігі сәт – сол білім мен тәрбиені іске асырып, еліміздің жарқын болашағын қалыптастыру жолында өз орныңызды табатын кез.
Сіздер – біздің үмітіміз, болашағымыз!
Сіздерге алда үлкен асулар, маңызды шешімдер, жаңа белестер күтіп тұр. Сол жолда сеніммен, табандылықпен, парасатпен алға басыңыздар. Армандарыңыз асқақ, мақсаттарыңыз анық болсын!
Қайда жүрсеңіздер де туған мектептеріңізді, сіздерге бағыт берген ұстаздарыңызды ұмытпаңыздар. Мектеп сіздермен әрқашан мақтанады!
Сіздерге сәттілік, жарқын болашақ, мықты денсаулық, шынайы бақыт тілеймін!
Жолдарыңыз болсын, жас түлектер!
Қанаттарыңыз талмасын, асқақ арман алда болсын!
Ізгі ниетпен,
Мектеп директоры Қадырбекова Ақмоншақ Әуезханқызы
